پرو ہاکی لیگ ۔ پاکستان ٹیم آج ایک بار پھر بھارت کے مدمقابل ہوگی

ایف آئی ایچ پرو ہاکی لیگ میں پاکستان کی ٹیم آج ایک بار پھر روایتی حریف  بھارت کے مدمقابل ہوگی۔ رواں سال اس ٹورنامنٹ میں پاکستان ٹیم نے 14 میچز کھیلے ہیں جس میں قومی ٹیم ایک بھی میچ جیتنے میں کامیاب نہیں ہو سکی۔ لیگ کے پہلے مقابلے میں بھارت نے شاہینوں کو 4-3 سے زیر کیا تھا۔ گزشتہ روز کھیلے گئے میچ میں میزبان انگلینڈ نے بھی پاکستان کو 1-2 سے مات دے دی تھی۔ سفیان خان اور حنان شاہد سمیت کئی اہم ترین کھلاڑی انجری کے باعث ٹیم سے باہر ہیں جس کی وجہ سے پاکستان ٹیم بہتر کمبی نیشن کی عدم موجودگی میں فتح کی تلاش میں ہے۔