آسٹریلیا میں آئندہ دہائیوں میں شرح پیدائش سے زیادہ شرح اموات کی پیشگوئی

(سی بی این پاکستان)آسٹریلیا کی حکومت کی انٹرجنریشنل رپورٹ 2026 کے مطابق ملک میں 2060 کی دہائی سے اموات کی تعداد پیدائش سے زیادہ ہونے کا امکان ہے۔رپورٹ کے مطابق اس کی بڑی وجوہات شرحِ پیدائش میں کمی اور آبادی کا تیزی سے بوڑھا ہونا ہیں۔ یہ آسٹریلیا کی سرکاری طویل مدتی پیش گوئی میں پہلی بار اس طرح کی رپورٹ سامنے آئی ہے۔رپورٹ کے مطابق مجموعی شرحِ پیدائش 2065-66 تک تقریباً 1.34 بچے فی خاتون رہنے کی توقع ہے تاہم امیگریشن آبادی میں اضافے کا اہم ذریعہ رہے گی۔رپورٹ میں 85 سال یا اس سے زیادہ عمر کے آسٹریلوی باشندوں کی تعداد 2065-66 تک تقریباً تین گنا ہونے کی پیش گوئی کی گئی ہے۔ اس کے نتیجے میں صحت، بزرگوں کی نگہداشت اور افرادی قوت پر دباؤ بڑھنے کا امکان ہے۔رپورٹ کے مطابق امیگریشن کے بغیر پیدائش سے زیادہ اموات کی صورت میں آبادی میں قدرتی کمی واقع ہوگی۔ مارچ 2026 تک ایک سال میں آسٹریلیا میں تقریباً 292,500 پیدائشیں اور 191,900 اموات ریکارڈ کی گئی تھیں۔