ہاکی ورلڈ کپ: پاکستان ٹیم آج ویلز کیخلاف اہم میچ کیلئے میدان میں اترے گی

ہالینڈ: (سی بی این سپورٹس) ہاکی ورلڈ کپ میں مایوس کن آغاز کے بعد قومی ٹیم آج ہالینڈ میں ویلز کے خلاف دوسرے میچ میں اپنی قسمت آزمائے گی۔واضح رہے کہ فتح کی صورت میں ہی پاکستان ٹیم اگلے مرحلے کے لئے اپنے سفر کا جاری رکھ سکے گی۔کوچنگ سٹاف نے انگلینڈ کے خلاف میچ میں کھلاڑیوں کی مسنگ پر تشویش کا اظہار کیا ہے، قومی ٹیم نے چار یقینی مواقع ضائع کئے۔چار بار کی عالمی چیمپئن پاکستان ٹیم 8 سال بعد ورلڈ کپ کھیل رہی ہے، پہلے ہی مقابلے میں شکست نے اس کی مہم کو مشکل بنا دیا ہے۔پاکستان ہاکی ٹیم کو میگا ایونٹ میں اپنے پہلے میچ میں انگلینڈ کے ہاتھوں 4-1 سے شکست کا سامانا کرنا پڑا تھا۔خیال رہے کہ ویلز ٹیم کو اپنے پہلے میچ میں بھارت کے ہاتھوں 3-1 سے شکست کا سامنا کرنا پڑا تھا لہٰذا آج کا میچ پاکستان اور ویلز دونوں ہی کے لیے جیتنا اہم ہے، میچ کا آغاز آج دن 3:30 پر ہوگا۔