آئل ٹینکرز پر حالیہ حملے، آبنائے ہرمز سے تجارتی جہازوں کی آمدورفت میں شدید کمی

لاہور: (سی بی این پاکستان) آئل ٹینکرز پر حالیہ حملوں کے بعد آبنائے ہرمز سے تجارتی جہازوں کی آمدورفت میں شدید کمی دیکھی گئی، جبکہ مشرق وسطیٰ میں جنگ کے خاتمے کیلئے امریکا اور ایران کے درمیان مذاکرات بھی تعطل کا شکار ہو گئے ہیں۔شپ ٹریکنگ کمپنی کپلر کے اعداد و شمار کے مطابق ہفتے کے روز صرف 5 جہاز آبنائے ہرمز سے گزرے جبکہ اتوار کو کوئی جہاز ریکارڈ نہیں ہوا، اس کے مقابلے میں گزشتہ ہفتے کے اختتام پر 31 جہاز اس اہم آبی گزرگاہ سے گزرے تھے۔اعداد و شمار کے مطابق ہفتے کو گزرنے والے جہازوں میں ایک خالی ویری لارج کروڈ کیریئر بھی شامل تھا، جس کا خود کار شناختی نظام بند تھا۔ایک چھوٹا ٹینکر ایرانی فیول آئل لے کر آبنائے سے باہر نکلا، متحدہ عرب امارات کی جانب سے گزشتہ ہفتے ابوظہبی نیشنل آئل کمپنی زے 3 جہازوں پر حملوں کی اطلاع کے بعد آبنائے ہرمز میں بحری آمدورفت ٹھپ ہوگئی ہے۔