بونیر: سرکاری گاڑیاں واپس نہ کرنے پر سابق وزراء کیخلاف مقدمات درج

بونیر:(سی بی این پاکستان) ضلع بونیر میں سرکاری گاڑیاں واپس نہ کرنے پر سابق صوبائی وزراء ریاض خان اور عبد الکبیر خان کے خلاف مقدمات درج کر لئے گئے ہیں۔بونیر میں سرکاری گاڑیوں کی واپسی کے معاملے پر سابق صوبائی وزیر ریاض خان اور رکن صوبائی اسمبلی عبد الکبیر خان کے خلاف مقدمات درج کر لیے گئے ہیں، دونوں مقدمات میں تعزیراتِ پاکستان کی دفعہ 409 شامل کی گئی ہے۔ مقدمات کے اندراج کے مطابق معاملہ سرکاری گاڑیوں کی واپسی سے متعلق ہے۔دستیاب ایف آئی آر کی تفصیلات کے مطابق سابق صوبائی وزیر ریاض خان کے خلاف تھانہ پیر بابا میں مقدمہ درج کیا گیا ہے، مقدمے میں سرکاری گاڑی واپس نہ کرنے سے متعلق معاملہ اٹھایا گیا ہے اور دفعہ 409 تعزیراتِ پاکستان کے تحت کارروائی کی گئی ہے۔اسی معاملے پر رکن صوبائی اسمبلی عبد الکبیر خان کے خلاف تھانہ ناوگئی میں مقدمہ درج کیا گیا ہے، اورع یہ دونوں مقدمات گزشتہ روز 12 اکتوبر کو درج کئے گئے ہیں۔سرکاری گاڑیوں سے متعلق دستیاب فہرست میں تین گاڑیوں کا ذکر بھی موجود ہے، جنہیں مختلف سیاسی شخصیات سے منسوب کیا گیا ہے۔فہرست کے مطابق سفید ٹویوٹا گرینڈے فخر جہاں،سیاہ ٹویوٹا ریوو ڈبل کیبن عبد الکبیر خان اورسفید ہونڈا سوک ریاض خان کے نام سے درج ہیں۔سرکاری گاڑیوں کی واپسی کے معاملے پر درج مقدمات میں تعزیراتِ پاکستان کی دفعہ 409 کا حوالہ دیا گیا ہے، مقدمات میں عائد الزامات کی حقیقت اور قانونی ذمہ داری کا تعین متعلقہ تفتیش اور عدالتی کارروائی کے ذریعے ہوگا۔بونیر میں درج ان مقدمات کے بعد یہ معاملہ اہمیت اختیار کر گیا ہے، جبکہ متعلقہ حکام اور نامزد شخصیات کے مؤقف اور مزید قانونی پیش رفت سامنے آنے پر صورت حال مزید واضح ہو سکے گی۔