21
اسلام آباد(سی بی این پاکستان)حکومت نے قومی اسمبلی کا اجلاس یکم اکتوبر کو شام 5 بجے طلب کرنے کا فیصلہ کرلیا، اجلاس کی تاریخ اور وقت کو حتمی شکل دے دی گئی ہے۔ ذرائع کا کہنا ہے کہ قومی اسمبلی کا اجلاس اتحادی جماعتوں کی مشاورت سے طلب کیا جارہا ہے، جبکہ ایوان کی کارروائی کا باقاعدہ ایجنڈا بعد میں جاری کیا جائے گا۔ذرائع کاکہنا ہے کہ اجلاس کیدوران وزیراعظم اور اپوزیشن لیڈر کے درمیان ملاقات کا بھی امکان ہے،اجلاس میں قانون سازی کے لیے مختلف بلز ایوان میں پیش کیے جانے کا امکان ہے۔قائمہ کمیٹیوں کی رپورٹس،آرڈیننسز اوردیگر دستاویزات بھی ایوان میں پیش کی جائیں گی،اجلاس میں ملک کی مجموعی سیاسی اور معاشی صورتحال پر بھی بحث متوقع ہے۔
